Bodoh - Endlich Rueh am 1. Mai Lyrics

Du fahrsch mitem Velo - durs Quartier
Plötzlich hesch en SUV - näbed dir
Wo dich a hupd und fascht vercharrt
Versteckt dich! Sie fluetet d Autobahnusfahrt

D Situation isch wider - usser Rand und Band
Rechts vo dir e Schlegi - links ä Autowand
Du versuechsch z flüchte - du chunsch nüme weg
Ihri Scooter blockiered de ganzi Veloweg

Und ich mach d Auge zue und stell mer vor es wäri erste Mai
De einzig Tag im Jahr wod Rueh hesch vo dere Sauerei
De einzig Tag im Jahr wod kei Angst ha muesch da dusse
De einzig Tag im Jahr mit nur normale Lüt verusse

De Notstand isch usbroche - ufm Trottoir sinds am ligge
Jetz frögt mi eine - wo er da cha go figge
Eine meint im Hooters seg - de bescht Usgang
Jetzt schiffed aber beid zersch mal - inen Husigang

Mir händs zwar befürchtet - jetzt sinds wieder cho
D Polterabigszene und d Chaote us de Agglo
Mir händs zwar befürchtet - jetzt sinds wieder da
Landei-Anarchiste und Goldküste-Guerilla

Und ich mach d Auge zue und stell mer vor es wäri erste Mai
De einzig Tag im Jahr wod Rueh hesch vo dere Sauerei
De einzig Tag im Jahr wod kei Angst ha muesch da dusse
De einzig Tag im Jahr mit nur normale Lüt verusse