Boogie Flaha - Sé Wu Lyrics

Sèl solisyon Sé wou
Pé pa ni révolision san wou
Sé wou ka vini mèyè wou
É sé Bondyé épi wou

Wou é mwen nous ni menm lè-a
Menm limyè-a ka kléré kon milya
Zétwèl an syèl-a , lion kon Milla
Yich Afrika, patri matris-la
Nou té wakanda avan yo vini la
Nou sav nou plis ki sa fab-la ka di la
Yep ! San véglaj, san makiyaj
Pwodui pyébwa lavi-a, pa kadi-a
Lézansèt kité an tras, an chimen
Pou nou wè klè. ek Tibwen pli lwen
Konésans Ka migannen San'w bizwen rimen
Tout stress ka disparèt kon lafimen
Wouch... Swen yich ou, yich mwen
Sé lanmou nou simen ka fè yo di byen
Nou chak-la ni an difé ka limen
Boukan djinen ka rijwenn pou dimen

Sèl solisyon Sé wou
Pé pa ni révolision san wou
Sé wou ka vini mèyè wou
É sé Bondyé épi wou

Reboot man ka byen santi ou bout
Tan-an kout ou pou mèt an plan doubout
Lajan kout sé sa ka mété'w an dout
Tjè ki tout sa fasil garé lawout
Ouvè zyé, pézé, soupézé
Pa tounen kon poul ki ni zé, pozé
La santé, sé an ti flè pou wouzé
Lè'w fini médité nou kéy kozé
Twòp mèt-a-pansé
Ki sé di'w an ki sans pou vansé
Twòp tanbou dé bonda
Logé-nourri ka gaté konba-a
Vann péyi-a ba sa ka vini konnka
An mòd Willy Lynch, pa Willy Wonka
Véyé kò'w, Bwabrilé sa brilé bwabwa
Dényé bay pou fè, sé pran'y pou ababa

Sèl solisyon
Pé pa ni révolision san
Sèl solisyon
Pé pa ni révolision san

Sèl solisyon Sé wou
Pé pa ni révolision san wou
Sé wou ka vini mèyè wou
É sé Bondyé épi wou

Sèl solisyon Sé wou
Pé pa ni révolision san wou
Sé wou ka vini mèyè wou
É sé Bondyé épi wou