In Betheleem, That Noble Place 3 Lyrics

Be we mery in this feste
In quo saluator natus est

In Betheleem that noble place
As by prophesy sayd it was
Of the vyrgyn mary full of grace
Saluator mundi natus est
Be we mery. etc.

On chrystmas nyght an angel it tolde
To the shephardes kepying theyr folde
That into Betheleem with bestes wolde
Saluator mundi natus est
Be we mery. etc.

The shephardes were conpassed ryght
About them was great lyght
Drede ye nought sayd the aungell bryght
Saluator mundi natus est
Be we mery. etc.

Beholde to you we brynge great ioy
For why Jesus is borne this day
To vs of mary that mylde may
Saluator mundi natus est
Be mery. etc.

And thus in fayth fynde it ye shall
Lyenge porely in an oxe stall
The shephardes than lauded god all
Quia saluator mundi natus est.
Be mery. etc.