In This Tyme Cryst Hast Us Sent Lyrics

Man, be glad in halle and bour,
This tyme was born our savyour.

In this tyme Cryst haot us sent
His owyne sone in present,
To dwelle with us verement,
To ben our helpe and socour.

In this tyme ros a sterre cler
Over Bedlem, as bryot as fer,
In tokenyng that he hadde non per,
Lord, god, kyng, and emperour.

In this tyme it is be-falle,
He that deyid for us alle,
Born he was in assis stalle,
Of Mary, that swete flour.

In this tyme kemyn thre kynges,
He kemyn fro fer, with ryche thinges,
For to makyn here offerynges,
On here knen with gret honour.

In this tyme prey we
To hymn that deyid on the tre,
On us have mercy and pete,
And bryng us alle to his tour!