Lyth And Lystyn, Both Old And Young Lyrics

Lyth and lystyn, both old and oyng,
How the rose begane to spryng,
A fayyrer rose to owre lekyng
Sprong ther never in kynges lond.

V. branchis of that rose ther ben,
The wych ben both feyer and chene;
Of a maydyn, Mary, hevyn qwene,
Ou3t of hyr womb the branch sprong.

The branch was of gret honour,
That blyssed Mary shuld ber the flour;
Ther cam an angell ou3t hevyn toure,
To breke the devels bondes.

The secund branch was gret of my3t,
Yt sprong up on Cristmes my3t,
The sterre shone and leme3d bry3t,
That man shulde se it both day and ny3t.

The iij. branch gan spryng and spred,
Iij. kynges than to branch gan led,
Tho to owre lady in hyr chyldbed,
Into Bethlem that branch sprong ry3t.

The iiij. branch it sprong to hell,
The devels powre for to fell,
That no soule therin shuld dwell,
The braunch so blessedfully sprong.

The v. branch it was so swote,
Yt sprong to hevyn both croppe and rote;
In every ball to ben owre bote,
So blessedly yt sprong.