Meruele Nozt, Iosep, On Mary Mylde Lyrics

Meruele nozt, iosep, on Mary mylde;
Forsake hyr not they she be wt chylde.


1. I iosep wonder how this may be,
That mary wex gret when y and she
Euer haue leuyd in chastite;
If she be wt chylde, hit ys not by me.
Meruell not, Joseph

2. The holy gost wt mercifull disstens
In here hathe entryd wt owte offens,
God and man conceyued by hys psens,
An the virgyn pure wt owte violens.
Meruell no, ioseph.

3. What the angell of god to me dothe say,
I ioseph muste and will vmble obay,
Ellys pouely y wolde have stole a way,
But now will y srue her tille yt y day.
Muell not, iosep.

4. Joseph, thou shalt here mayde and moder fynde,
Here sone redemptor of all man kynde,
Thy fore faders of paynes to unbynde;
There for muse not this mater in thy mynde.
Muell not.