Now Ye Crystemas Y-cum Lyrics

Now ye Crystemas y-cum
Fadyr and son togedyr in oon,
Holy Goste, as ye be oon,
in fere-a,
God sende us a good n[e]w yere-a.

I wolde yow synge for and I myghgt,
Off a chylde ys fayre in syghgt,
Hys modyr hym bare thys yndyrs hyght
so stylle-a,
And as yt was hys wylle-a.

There cam .iij. kynges fro Galylee
Into Bethleem that fayre cytee,
To seke hym that ever shulde be
a ryght-a
Lorde and kynge and knyght-a

As they cam forth with there offrynge,
They met with Herode that mody kynge,
Thys tyde-a,
And thys to them he sayde-a.

"Off wens be ye, yow kynges .iij.?"
"Off the Este, as ye may see,
To seke hym that ever shulde be
by ryghgt-a
Lorde and kynge and knyght-a."

"Wen yow at thys chylde have be,
Cum home a3eyne by me,
Telle me the sygh3tes that yow have see,
I praye yow;
Go yow no nodyr way-a."

They toke her leve both olde and yonge
Off Herode that mody kynge;
They went forth with there offrynge
by lygh3th-a,
By the sterre that shoone so brygh3t-a.

Tyll they came in to the place
There Jhesu and yhs modyr was,
Offryd they up with grete solace
in fere-a
Golde and sense and hyrre-a.

The fadyr of hevyn an awngylle down sent,
To thyke .kkj. kynges that made presente
thys tyde-a,
And thys to them he sayd-a.

"My lorde have warnyd yow everychone,
By Herode kynge yow go not home;
For and yo do, he wylle you slone
and strye-a,
And hurte yow wondyrly-a."

Forth them wente thys kynges .iij.,
Tylle they came home to there c*ntre.
Glade and blyth they were alle .iij.
Off the sygh3tes that they had to see,
by-dene-a,
The cumpany was clene-a.

Knele we now here a-down,
Pray we in good devocioun
To the kynge of grete renow,
of grace-a,
In hevyn to have a place-a.