Of All Thi Frendes Sche Is The Flowr Lyrics

Of all thi frendes sche is the flowr,
Sche wyll the bryng to thi honowr,
Mary to kall thou has colowre,
Asay, asay.

Sche bar Jhesu owr savyowr,
Of al myschyfe sche is socowr.
Mary is strowne in every schowr,,
Asay, asay.

Sche is cundas full of grace,
That spryngyth and spredyth in every place;
Mary to callyn gret ned thou has,
Asay, say.

Hyf thou be put in poverte,
Of of thi frendes forsakyd thou be,
Mary his lady of gret pete:
Asay, say.

3yf thou be aferd of thi foly,
Or of thi dan wan thou xal dey,
Mary his layde of gret mercy:
Asay, say.

So gracius and so gud sche is
Sche bryng us al into blys,
Ther Mary lady and qwen is:
Asay, say.