Of Mary Criste Was Bore Lyrics

Have mercy on me, kynge of blisse,
As muche as thy mercy ys!

Of Mary Criste was bore,
Wythowte wem of aney hore,
To save us that were for-lore.
Kynge of alle kynges.

To us he gaffe a sompelle abowte,
That we shulde no3t be prowte,
For he was wrapped in a clawte.
Kynge of alle kynges.

Pray we Jhesu, heven kyng,
Alle so after owre endyng,
To his blysse ever lastyng,
Kynge of alle kynges.