Hector Braga - Valiente (feat. Víctor Manuel) Lyrics

Camina Valiente voluntá de piedra
Per montes de cabra que nunca nun anduviera

Atopara un home al pie d'una peña
Nun ve l'uniforme y pon la bayoneta
Seliquín Valiente seliquín s'acerca
Ye un milicianu que sangra na tierra
Mancáu baxu'l pechu de bala certera

Diz aquel paisano yá con poca fuercia
Dispara collaciu y más nun sufriera
Que morrióme un fíu pa la Sierra'l Cuera
Y otru que tenía entá nun apaeciera
Yo la vida pierdo mesmo que la guerra
Estrema la boina qu'hai na mio cabeza
Voi dir pa la muerte a cara descubierta

Fríu ta Valiente suelta la escopeta
Qu'a esi guerrilleru matar nun pudiera
Que yera'l so pá fíu de so güela
Que yera'l so hermanu esi que morriera
Adulces Valiente al so pá yá entierra
El berezu'l monte cuando xorreciera
Tola sepultura cubri'n primavera