A yelli Video (MV)

A yelli ɛzizen tecbiḍ igenni iwumi d-zzin yitran
Tcebbḥeḍ axxam tiṭ mi ara kem-twali kfan yiɣeblan

Ass-n mi d-tluleḍ acḥal i ferḥeɣ
Ay d-tesmektaḍ d ass deg i luleɣ
Deg yirebbi-w tetturareḍ ɣur-m ttmuqquleɣ
Mi ara yi-d-tmuqleḍ taḍsa-m d tudert yes-s ddreɣ

D kemm i d tacemmaɛt s yeḍwa wexxam
D kemm i d tafat i yenfan ṭṭlam
Yes-m i ttuɣ lmeḥnat lhemm d ayen kan iɛeddan

D acu i am-ssarameɣ : ad tawḍeḍ lebɣi-m
S kra i tmennaḍ ad t-yaweḍ ufus-im
Cfu i d-yenna baba-m ɣur-m ad tnekreḍ laṣel-im
Mayella abrid yeɛreq-am nadi anwi i d lejdud-im

Ad kem-weṣṣiɣ ɣef tjaddit fell-as ad tecfuḍ
D nettat ay d tigejdit ɣur-m ad tt-tettuḍ
Inig merra ddunit di tmussni-inem ad ternuḍ
Ɣur-m taqbaylit anida i am-yehwa telḥuḍ