Kohila Katu Video (MV)

කොහිල කටු තමයි මේකේ
වැඩි හරියක් තියෙන්නේ
වටින් ගොඩින් එහෙන් මෙහෙන්
හෙමින් හෙමින් ඇනෙන්නේ
ඒත් ඉතින් ඇනි ඇනීම
මේක උඩම ලගින්නේ
ඇනිලා තැලිලා ගිලිලා ගියත්
මේකට ආවඩන්නේ...

මීඩියා මීඩියා සෝෂියල් මීඩියා..
මේනියා මේනියා කෙස්ගහෙ ඉඳන් මේනියා...

දිරන කයට ඔප දාලා
දේදුන්නේ පාට හතෙන්
හතට අටට දෙකට තුනට
නැමිලා ගන්න ෆොටෝ වලින්
සතර පෙරනිමිති පේනවා
බලන අයට ඇහෙන් කනින්
නිවන් යන්න විතරයි බැරි
අපි හැමටම ෆෝන් එකෙන්

මීඩියා මීඩියා සෝෂියල් මීඩියා..
මේනියා මේනියා කෙස්ගහෙ ඉඳන් මේනියා...

අඟල් හයයි තුනක් ඇතුළේ
හිරවීලා ඉන්න අපිට
අහස පොළොව වටපිටාව
සියලු සත්ත්වයෝ පෙනේද?
ළඟ ළඟදිම හයයි තුනෙන්
අටයි අටට මාරු වෙන්න
දවසක් එයි ඊට කලින්,
තමන් දිහා බලාගන්න...!

මීඩියා මීඩියා සෝෂියල් මීඩියා..
මේනියා මේනියා කෙස්ගහෙ ඉඳන් මේනියා...