Klimpermännche Thomas Cüpper - Dä kölsche Algorithmus Lyrics

Tralali Tralali Tralaleilala Lei-lei-leila

Im Silicon Valley do flippen se us
Die dähten uns usspioneere
Wie ticken die Kölsche? Un wie sinn die us?
Dat wullten se analyseere

Computer un Hotleine woren em Brass
De Fessplaate die leefen heiß
Mir Kölsche, mir hatten dä Cloud aanvertraut
Wat he selvs dä kleinste Stropp weiß

Dä kölsche Algorithmus schleiht em Dreiveedeltak
Esu dat jeder met muss, esu dat et jeden pack
Dä kölsche Algorithmus es einfach un ideal
Weil hä Facebook un Google ver"apple"t
Un dat es sonnenklar
Mir Kölsche sin un blieve unberechenbar

Tralali Tralali Tralaleilala Lei-lei-leila

Dat Kölsche System dat es universell
Och do kanns et jän usprobeere
Kumm schöckel met Föttche eets hin un dann her
Dat kannste janz flöck bei uns liere

Un spillt dann de Musik schön "Einmal am Rhein"
Dann schunkelt jemötlich Saal
Vum Neppeser Tälche bes noh Raderthal
Es Silicon Valley ejal

Dä kölsche Algorithmus schleiht em Dreiveedeltak
Esu dat jeder met muss, esu dat et jeden pack
Dä kölsche Algorithmus es einfach un ideal
Weil hä Facebook un Google ver"apple"t
Un dat es sonnenklar
Mir Kölsche sin un blieve unberechenbar

Dä Code es janz einfach un jeiht nit kapott
Probleme die schunkeln mer fott

Dä kölsche Algorithmus schleiht em Dreiveedeltak
Esu dat jeder met muss, esu dat et jeden pack
Dä kölsche Algorithmus es einfach un ideal
Weil hä Facebook un Google ver"apple"t
Un dat es sonnenklar
Mir Kölsche sin un blieve unberechenbar

Tralali Tralali Tralaleilala Lei-lei-leila