Bilis ng Panahon Video (MV)

Parang dati lang, pinagsaluhan mga tawang
Mas pinapatibay lalo, nabuo na pagsasamang
Di man magkadugo
May lukso na kada "baka mapahamak si ganto"
Punong-puno pakikisama
Na kahit madalas ay wala na sa hulog
Uuwi lang para makakain, t'yaka matulog
Sa tambayan madalas maingay, makabulabog
Mainit sa mata ng kapitbahay at tanod
Kasabayang lumaki hanggang sa lalong natuto
Makibagay sa iba, dumami pa kalaro ko
Katapikan ko ng palad, sing tigas din ng ulo
Kayo den kasama sa unang pagkabigo ko
Kaalalay, kaagapay, kabahagi ng kada sigarilyo
Kaambagan sa tuwing naghahanap tayo ng tagay
Naging pamilya, kapatid sa magkakaibang nanay
Ang bilis ng panahon, hindi na namalayan
Ang bilis ng taon, parang kahapon lang
Ang mga tawanan at usapan nating
Alaala sariwain
Bilis ng panahon
Ang bilis ng panahon, hindi na rin kagaya dati
Na magkakasama tayo dun sa iisang byahe
Kanya-kanyang mga ruta tinatahak mga pare
Ung iba lumalaki na, dala-dalang bagahe
Ngayon man ay tahimik na tambayan noon
Hangad ko lang ang kaligtasan saan man naroroon
Nawa'y tama ka sa bawat gagawing desisyon
Ng hindi maligaw pa sa maling direksyon
Sarap lang malamang nagtinuan yung gago
Dahil sa nagkaanak, napasarap magtrabaho
Ung mga tambay lang dati kada sulok ng kanto
Naging responsable nung naging pamilyado
Sa muling pagkikita, ihanda na ambagan
Maganda na istorya, gagawing pulutan
Ang mga alala na ating pinagsaluhan
Kung nasaan man tayo, wag n'yo kakalimutan