Low-G - Intro Lyrics

'T is de L van de levenslange liefde vo de letters diekik letterlijk geleidelijk de lippn laat verlatn
O voor olle old school onderonsjes in den ondergrond die ol ontploffn ip et droppn van me ploate
W voor olle wekn waardak woordn in et wilde weg ier in de wereld werp vo wie wa wijsheid wil verwerven
En G ist geheel dak gwn graag geef ak genoeg geschrevn eb om geenen dag meer te gaan werkn
Zelfs min eerste stappn zin nen dodentocht
De stroate wint contests, kik ma ip et scorebord
Geborn om te komn me den impact
We verdedigen den oldd school al bittn we de spits af
Te pas en te onpas schiet ik ip het kader, kader tekstn in ne context van et bloed in min aders
Ik kick ip snares dus ik adem drumms
En spit er over tot dak niemeer zonder adem kun
Tot da min spieren samentrekkn, geleid door et ritme, zie de beat nie als e beat, maar als een organisme
Omme keer komk weer ongeleerd ip de track ier de wonders verrichtn
Zonder meer kom k zonder stoppn
Wonderlijke bommn droppn tot da heel den ondergrond verlicht van d'explosies
Gebaseerd op min emoties
D'uitbarsting van woede mak mie tegelik euforisch
Want dan weet k da k min allerbeste tekstn schrijf
Nen echo van de stroate weerklinkt in et battlerijk
Eindelijk zit t talent nu allemaal samengeclusterd
We zin meer underground dan den dug out van den dutser
Digg in de crates want ben den nagel aan uw doodskist
Een overdosis woord als de nood weer het hoogst is, zal mij wel kunn oppeppn
Ik eb een permanent pattent ip de mic ontdekkn
Dus ak e beat opzettn
Moek me ziele noch me lichaam komn forcern
Ik flow ne zee van woordn da zelfs surfers zoen trotseren
LowG ip de microphone, da was den intro
Al was et ier in feite nog ma 'n kort intermezzo