Ludwig Sebus - Nit mieh janz su knusprig Lyrics

Ben ich och nit mieh janz su knusprig
Ich mache met su lang et jeiht
Denn och met Falde ben ich nit opzohalde
Un jede neue Daach brängk mir noch Freud

Alles hätt e ne Aanfang un alles hätt sing Zick
Ich loore jän noh vürre och manchesmol zoröck
Met Freud dun ich jeneesse wat et Levve mir all schenk
Doch selvs de allerschönste Frau es ahn de Fööss am Eng
Wä säht doför ben ich zo alt dä hätt beim Zälle sich verzallt

Ben ich och nit mieh janz su knusprig
Ich mache met su lang et jeiht
Denn och met Falde ben ich nit opzohalde
Un jede neue Daach brängk mir noch Freud
Sin mir och nit mieh janz su knusprig
Mir mache met su lang et jeiht
Denn och met Falde sin mir nit opzohalde
Un jede neue Daach brängk uns noch Freud

Wann do nit kriss wat do jän hätts do hilf op alle Fälle
Dat do jän häs dat wat do häs deiht dich zofredde stelle
Do hilfs dir doch et Bess in däm do andere Minsche hilfs
Dä Herrjott jov dir ding Jeseech doch laache muss de selvs
Wä säht doför ben ich zo alt dä hätt beim Zälle sich verzallt

Ben ich och nit mieh janz su knusprig
Ich mache met su lang et jeiht
Denn och met Falde ben ich nit opzohalde
Un jede neue Daach brängk mir noch Freud
Sin mir och nit mieh janz su knusprig
Mir mache met su lang et jeiht
Denn och met Falde sin mir nit opzohalde
Un jede neue Daach brängk uns noch Freud