Mohamed Gomaa - Hakek Alaya - Mawqeaat El Gamal Lyrics

حقك علية
حقك علية يا مّايا ويامُّو العيال
انا سايب حالى وجاي اطلب .. لقمة بحلال
واللي بيلومنا
اللي بيلومنا ما جربش ذُل السؤال
ولا لسعة برد فـ ليل آسي .. خلّت رجلية تبوس راسي
زي الهلال
والنبي ما اتحتح لو ركبت فوقى الجِمال
*******
طب بلدك فينها يا بلدينا
آني من بعيد
واحد من وسط كتير كلهم فقر الصعيد
خدت الخلجات واللى رمتنى السكة الحديد
بترجى الرزّاق الواحد
ابدّل خلجاتى ليوم واحد
والبس جديد
مين قال الهِدمة الجديدة .. تبقى احتلال
والنبي ما اتحتح لو ركبت فوقى الجِمال
*******


وانا جيت فـ الدنيا لقيت ابويا بصندوق ورنيش
واهو سابنى صغير ولوحدى .. وشيلته .. ما شالنيش
مُرزق
مُرزق حاكم امى انا ولدتنى
فى طابور العيش
وعشان اتنوّر واتعلّم
لمّعت جزامهم يا معلم
واهو بعد الجيش
الصبح بلمّع بالجزمة
وبلليل شيّال
والنبي ما اتحتح لو ركبت فوقى الجِمال
*******
وانا هعمل ايه ونا م الخنقه .. مش عارفة انا مين
م الشقا بيبدل فـ الخِلقه
وانا شاربة الطين
عمّالة بجهز فـ شواري .. بعد التلاتين
وعجوز عايز يتجوزني
ماهو سابنى الشاب اللي عايزنى
وبقاله سنين
مرفود من شغله عشان عايشها بالحلال
والنبي ما اتحتح لو ركبت فوقى الجِمال
*******
ونا يعنى ماليش نفس أبيّن أنا ليه مخنوق
ماهو كل ولادكوا بتتعيّن .. فـ وظايف فوق
وانا من عشرين سنة متخرّج
ودرست حقوق
رُحت الجامع ربيت دقنى
طالب حقى من اللى خلقنى
والحالة تروق
مسكوني وقالوا دا ارهابي
وآه م الأندال
والنبي ما اتحتح لو ركبت فوقى الجِمال
*******
مين فينا يا ناس الحراميّة
اتلموا وعيب
من إمتى العين المصرية
بتحب غريب
كلّنا فـ مظاهرة وسلمية
وبدون تخريب
بنّادي بحرية وعِزة
وانتم سكاكينكم ع المعزة
وسايبين الديب