Neganm - Obscurite Lyrics

Yeah
Nèganm
Fam Till Death Records

Tan an pare
T' a sanble lapli pral tonbe
M' pare veso m' pou m' pran ti dlo m' kontan sechrès la pral leve
Après 18 ans sechrès m' ret kwè rekolt la pral move
M' konnen lanfè deja viv nan paradis m' la m' ap espere
Konnen 18 ans de Guerre
18 melancolie
18 ans ap jwe bolèt lavi n' konnen se lè n' mouri l' soti
18 ans ap tann lapli
Pou jaden m' ka Fleury
Lè jou rekòlt la pa pote veso w' pat ede m' fight lavi
So m' patient m' ap tann nuage la pase pou chèn mwen kase
Obscurité m' ki klere yo yo byen lè m' ap mal pase
L' ap fè pi noir pandan l' ap vin pi tard
Genlè lapli sa p' ap tonbe vre jou m' ap ban m' ecart
Mwen fè tout vi m' nan fo espoir lè m' wè limyè m' pa kwèl klere vre
Tenèb bat a midi men se grangou l' toujou rele vre
Se kòmsi m' limen balèn pou m' mete l' anba tab
Pran dlo ki purifye deja a just pou m' tretel ak akwatab
Non m' p' ap kapab pasyans mwen just wotè on moso kasav
Ou di m' lib pa wè diferans ant mwen ak yon esklav
Pou mwen lavi pèdi koulè dignitel
Pa g' anyen k' ka purifyel
Lavi m' just interne men pa gen on doktè k' tretel

N' on neant
Still ret on géant
Manman m' pat pouse on fean anh
Goumen menm lè m' impuissant
Fight chak jou partout tout otan m' vivant
Obscurité Obscurité

Nuage la pi pre
M' gad jaden an pi m' souri
Après tout peri pesi konnya fanmi an pral nouri
Tcheke veso yo jis pou m' asire m' yo poze anba dal yo
Ba l' dlo se yonn men bourik p' ap janbe l' si ke l' pa chwal yo
N' ka fèt nan menm ane pa vle di pou sa lavi n' pral egal
Mwen m' pasyan
M' konnen après la pluie c'est le beau temps
Prezan m' p' ap defini future m' ak fòs ke m' g' on bon plan
E versé san m' pou m' wè sous lavi a p' ap bay si w' pa pran
Nuage la sou tèt mwen tonnè ap gronde m' pa ka fè serman
Men si lapli a pa tonbe m' pa wè survie a sincèrement
Men still m' ap tann m' ap tann ti gout lapli pou m' pase swaf mwen
Pou jaden m' ka wouze jis pou m' ka wè premye rekòlt mwen
Tankou on pèp esklav m' ap tann rezilta revolt mwen

N' on neant
Still ret on géant
Manman m' pat pouse on fean anh
Goumen menm lè m' impuissant

N' on neant
Still ret on géant
Manman m' pat pouse on fean anh
Goumen menm lè m' impuissant
Fight chak jou partout tout otan m' vivant
Obscurité
Obscurité