Rainhard Fendrich - DIE GEISTERBAHN Lyrics

Am letzen Schultag ganz egal,
wie schlecht die Noten war'n
Is da Großvater mit mir in Prager g'fahrn
Erst hat er g'schimpft, dann hab i eahm versprochen
Dass i mi ab jetzt bemüh'
Scho bin i g'sessn auf an Ringelspüh

Mein Gott, was war des für a Leb'n
Im Himmel könnt's net besser sein
Es hat vü Zuckerwatte geb'n
Weu ka Mutter war dabei
Die Krönung war dann jedes Jahr
A riesen Teddybär
Weil er der beste Schütze war beim Militär

Es war der schönste Tag im Jahr
so schön oft Weihnachten a war
i bin alles g'fahrn, nur ned Geisterbahn
Weu da war a Sensenmann mit ana Maskn wie der Tod
Der lockte über's Mikrofon die Leut' heran:

"Griaß euch Gott, i bien der Tod
Es gibt ned an, der mi ned kennt
Es gibt ka Söl, di ma entrinnt
I bin ned guat, i bin ned bös
I führ di nur ins Paradies
Oder in'd Höll'
Wia's d'as halt verdienst."

I wollt' scho sagn:"Jetzt wüll i z'aus"
Da lacht der Grovater mi aus
Steht stramm und sagt:"Wie ma als Mann
Vor'm Tod nur Angst hab'n kann?"

"Was soll scho sei", hab i ma denkt
Und hab eahm scho mein Teddy geb'n
Steig ein in'd Geisterbahn
I wer's scho überleb'n
Die Tür geht auf - I hör an Schrei
Dann hab' i ma in d'Hosn g'macht
Es steigt a Toter aus'n Sarg
A Henker hebt sei Beil und lacht

Auf amoi gibt's an Riesenknall
Und an totalen Stromausfall
Dann hab i glaubt, dass i dafrier:
dann steht der Tod mit aner Lampen hinter mir

"Griaß di Gott, i bin der Tod
Unsre Stromversorgung spinnt
In bin der, der den Ausgang kennt
Gib ma dei Hand, du muaßt net rean
I hab doch alle Kinder gern
Dann hat er'd Masken obag'numm'n
Und er hat grinst:
"Damit's d'mi später wieder kennst"

Der Großvater war kreidebleich
Er hat si große Sorgen g'macht
Mei Hosen war zwar voll
Und trotzdem hab i wia a Hutschpferd g'lacht
Dann hab i g'sagt:
"Man glaubt es nicht
Opa du hast recht
Wia man als Mann
Vor'm Tod nur Angst hab'n kann"

"Griaß euch Gott, i bien der Tod
Es gibt ned an, der mi ned kennt
Es gibt ka Söl, di ma entrinnt
I bin ned guat, i bin ned bös
I führ di nur ins Paradies
Oder in'd Höll'
Wia's d'as halt verdienst