Renato Carosone - Caravan Petrol Lyrics

Caravan petrol!...
Caravan petrol!...
Caravan petrol!... (Ssss! Napoli!)
Caravan petrol!... (Napoli petrolifera!)
Caravan...

Mm'aggio affittato nu camello,
mm'aggio accattato nu turbante,
nu turbante â Rinascente,
cu 'o pennacchio russo e blu...
Cu 'o fiasco 'mmano e 'o tammurriello,
cerco 'o ppetrolio americano,
mentre abballano 'e beduine
mentre cantano 'e ttribbù...

Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè...
Gué, si' curiuso
mentre scave stu pertuso...
scordatello, nun è cosa:
Cca, 'o ppetrolio, nun ce sta...
Allah! Allah! Allah!
Ma chi t''ha ffatto fa?
Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè!...

Cu 'o fiasco 'mmano e cu 'o camello,
cu 'e gguardie 'nnanze e 'a folla arreto,
'rrevuta faccio Tuleto:
nun se pò cchiù cammena...
Jammo, è arrivato 'o Pazzariello!
S'è travestuto 'a Menelicche...
'Mmesca 'o ppepe cu 'o ttabbacco...
Chi sarra st'Ali Babba!?...

Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè...
Gué, si' curiuso
mentre scave stu pertuso...
scordatello, nun è cosa:
Cca, 'o ppetrolio, nun ce sta...
Allah! Allah! Allah!
Ma chi t''ha ffatto fa?
Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè!...

Allah! Allah! Allah!
Ma chi mm''ha ffatto fa?
Comme só' bello
a cavallo a stu camello,
cu 'o binocolo a tracolla,
cu 'o turbante e 'o narghilè!...

Caravan petrol!...
Caravan petrol!...
Caravan...
Caravan petrol!...
Caravan petrol!...
Caravan...