Vuistregels Video (MV)

Ik zien de zwoarste kracht, tied voe Newton's wetten te herschrieven
Jet e leesbrevet nodig voe me teksten te begrijpen
Kzoen ze letterlijk wiln smieten in de lucht
Zodaj gieder ze ku plukken, geluk vient in verse archetypen
Dak doen opdraven, dan de verzen toet upt bot raken
Punchlines zo cold dak et Wim zest kunnen Hof maken
Elke regel is e linguïstieke winterprik
Dus krieg je koude rillingn lik of daj e film van Fincher checkt
Mo kbriengn ook hitte lik Prometheus
Ik zien ik nie van Gent mor ok pennen zit ek wel up level negenduuzd
Kzien consequent en bovendien verbaal gewetensvol
Ik breien de letters an mekoar en kloatn zelden steken voln
Imperfectie, de bars zien lik de vacht van me katte
Of e bootleg omdat ze gelekt zien
Ik zorgen dat de sound kletst
Ik rocken baggy-stijl, dus ik kopen big boys lik e fan van Outkast

Ik maakn moves, zetten grote stappen gelik Bigfoot
Ik ont-moeten dagelijks mezelvn omdat nix moet
Me raps worden warm anbevolen ol zien ze ijskoud
Stoa heel je moend in vlammen oj te rappe van me shit proeft
Ik scheppen leven met e poar regels
Metaforen zitten overol zest verweven in me hoarvezels
De woordn rolln ut me mouwn, boordevol ruwe flows
Onderling geconnecteerd lik decortegels
K'onderscheiden me van de reste lik e boanbreker
Verder up de groadmeter, klets up je kop,
Deur de raps dakke drop, mo toch voel ek me gin hoar beter
Kaaln inspiroatie ut de lucht lik e stormchaser
Kzien gin woarspreker mo toch pin ek woarden
Zoender challenge in men erecode vast zoender koartlezer
Kzien gin roadgever, mo zwoar bezig
Met et experimenteren, ksteekn verzen in e moatbeker
Voe ze of te meten, soms quote ek Aristoteles
Ik spreekn ut wa da voorheen nog noois tevoorn gesproken is
Ik worden ossan mo meer pro per spit
Zoender dak proper spitn ang ek elke pro ant spit tmoment dat nodig is
Soms ziek e keetschopper, heavy lik e weightwatcher
Stagerocker, in de ploatewinkel ziek e cratehopper
Rijmdropper, ontzagwekkend lik MMA boxers
Ik kruipen diepe in je schedel lik e breindokter
Ken meer punchlines in pacht dan e loan shark
Ieder tekst gegoten in e lyricale flowchart
Kzien men eigen co-star, ol drop ek vers
Ist product voer eeuwig houdbaar, juste lik e goudbar
Ku me gin moer schelen, wat dat de trend wordt
Ik schaavn an de flow toet dat et arrangement klopt
Ken meer verdieping in me raps dan appartementsblokkn
En de drive bluft zoender dat et engagement stopt