Vad Vuc - Gin Barbee Lyrics

Chi al pööf e al regota in süi piant,
La vigna la gota i lacrim dii sant,
L’è tütt un gutà che al scarpüscia i pooc dì
Par sentì primavera anca chi.

I saras i specian e in da l’ümit ul Gin,
Par quel atim da fiaa, in sül buceer da vin,
Dal sentì ul zic e zac, la forbiss a taià
E pö i saras a storgiass in sul praa.
Gin Barbee, vün da quii che al par tirà scià
Da un bel muund che al gh’è pü gnanca a scultà,
Sì, quel muund fai da nüm, fai da pooc,
Da amiis, e campagna, e ciocc.

Ul mestee da barbee lü l’ha imparaa
In la rüsca dal quatordass, in la guèra, a suldaa,
E adess c*nt ul gatt che al runrogna lì in giir
Lü al piala e ‘l incioda i stess siir.
Pö, ‘riva anca quel atim da mulà ul martell
Perché ‘rivan i amiis dal savun e penell,
L’uduur dal legnam che al stagiona gio lì,
E quela calma in dal na e vegnì.

Scüsii fiöö, al par da ves
C*nt i noni e la malincunia.
Scüsii fiöö, al par ul stess
Dì che al nass, Dì che al cria.

E al par da sentiss in dal giir certi vuus
Che i henn nai c*nt i nostri facc de tuus,
Vuus che sentivum da fiöö in dii strecc,
in dii piazz e hin i vuus dii vecc.
E ‘riva ul sabat c*nt i solit amiis
quii da la barba, cart, e suriis
La barba, un cüntà sü fra sigar, vin e salam:
giurnada, setimana e duman.