Ziesjoem - Zjuulke Zeuthout Oet Zuuzaote Lyrics

Dit is 't verhaol vaan Zjuulke Zeuthout, e menneke, zoe sjoen en fien
Altied in 't pak, krevat, wit baordsje, meh ach zoe druug wie druge wien

Heer is de beste vaan alle klerreke, gans Zuzaote is met haom gebaat
Zes daog per week zit heer te werreke, vaan smorreges vreug tot saoves laat

Meh zaoterdags nao 't werrek, geit Zjuulke nog neet nao bed
Daan veult heer ziech zoe sterrek, es zenger op 't bufet

Daan zingk heer de bovenste toene, daan is heer de lollegste vent
't Is 'ne boetegewoene, dat Zuzaotse zangtalent

Zoe geit dat nog langen tied dore, de kaffee kump daan neet mie stop
En tot in de late ore, steit Zuzaote op ziene kop

Op zekeren daag veel Zjuulke Zeuthout, d'n trap umlieg, noe lop heer maank
't Bufet bleef leeg, de stumming zakde, gans Zuzaote misde ziene zaangk

De kastelein is toen goon spaore, ut ganse dorrep, ederein deeg met
Me wow zoe geer die lol bewaore, noe heet 'r 'n lif nao 't bufet