Abhinav Singh AbhiZar - Uski Doli (feat. Pallavi Ishpuniyani) Lyrics

Aankhon se chupa leti hai woh... Dil mein dabaa leti...
Unn aansuon ko dagaa deti hai woh, poocho toh hasaa deti...
Uske sapne Hazaaron, dil ke kinaaron mein basse hain jaane kabse...
Uski doli mein sajaa kar, mehendi mein rachaakar... De doon Saari Duniya use...
Naam kar doon Duaaein uske...

Zyaada nahin hain jazbaat Yeh mere, thode se sapne hain par Khaas hain mere...
Udne ko dhoondh rahi azaad savere
Chun ke rakhein hain aabaad basere...

Thode laal hain thode peele
Kuch safed hain kuch hain neele
Saare rang mein leke jaaungi uss paar
Jisko bolna hai jo bole
Ab toh hoga jo dil bole
Ab yeh Heer hai Udne ko taiyaar...

Tum aashiyaan chun lena, Darwaaze main laga dunga
Chhat pe seelan hogi toh dhoop main laa dunga
Tum ek kadam toh badha ke dekhna, ek naya Rasta bichchaa dunga
Agar aakhri chaar roz ki hi zindagi aur hogi toh har roz ka har lamha yadgaar bana dunga...
Lekin Haan, jahaan bhi tum hogi, Yahaan ya Kahin aur, wahin kahin bagal mein baitha... Usi Darwaaze aur usi Dhoop ke saath... Tumhaare intezaar mein Ek aur shaam guzaar dunga...

Yaad hai na woh raatein, jab aapas mein sapne baate...
Toh akele chalne ki kyun yeh Baat...
Kuch umeedein kuch the waade...
Chal unko hain nibhaate...
Yeh Raat kar rahi hai intezaar...
Wahi waala kaajal phir lagaa le ek baar...

Uske sapne Hazaaron, dil ke kinaaron mein basse hain jaane kabse...
Uski doli mein sajaa kar, mehendi mein rachaakar...
De doon Saari Duniya use... Naam kar doon Duaaein uske...