Holy Water Video (MV)

Yow, yow

V1

F*ck it. One day, mi ago sen mi only daughter

Down a hell fi go drown di devil wid some holy water

Meeda seh fi mek a stop, but right yah now mi rather

Seh fi sen dah one yah straight. Mi seh dah one yah out fi charter

Is a one few ting mi can tell yuh bout mi daughter

Seh she fawud from a klans an damn right, she wol di orders

Seh she 20x badda when she nuh deh round she madda

Unnu fi hear di hearty laughter any time she start di slaughter

F*ck a page a history. Yow, a she a start di chapter

Any time she pass through, is like a natural disaster

Hot like Koffee wid di rapture. Drape u by yuh shut collar

Bone nuh fracture. Straight bruk. Cyah replace dat wid nuh plaster

She wi look pon you an seh"Which pussy coulda bad, sah?"

Tun di devil inna stone cah Medusa a go hard, sah

Way mi daughter so f*ckin' sick inna she head

Mi swear to God, she control she medulla oblongata

Heart colder dan Alaska. Head hotter dan di lava

She wi grant yuh death wish. So be careful weh u ask fah

You wi get di excess an di ovas an di braata

So nuh badda come trod yah. Yuh nuh ready fi dah path yah

Dem seh"Hell hath no fury" Dem nuh ready fi dah wrath yah

So galang mi only daughter. Mi a sen yuh cross di border

Tun di devil inna mortar. Tun di pussy inna martyr

Yaav a message from yuh fadda an mi seh go suck yuh madda

V2

She deh pon a rampage an she nah sekkle dung

Di way har head hot like steam from di kettle bun

When di show start, seh a she alone a mek it done

She kotch inna di devil show an she bring di heckle come

When she pass through, mi seh di wol place afi level dung

Seven-step a di bass an she bring di treble come

Watch how him a tremble when time him see di rebel come

Three-star ratchet knife kiss cut out di devil tongue

Dem a seh dem want di war. Tell dem seh we ready nung

If a war dem want, den mi daughter ago sen it come

Dem a fly di war banner, but we ago tek it dung

She a carry di torch an seh she nah go set it dung

Before she lef, mi seh to har"Try nuh badda lef mi some

Better if yuh kill dem off like seh dem a ready done"

Mi seh when it done, not a pussy can a test

Cah mi really wah fi know a fi who fah daughter dem a tek fi fun

One woman squad, but she fire like a 20 gun

Fi har barrel mek nize. She nuh walk wid empty drum

Gyal eva full a shot. She nuh badda sen fi none

She a full house. So a who she ago lend she gun?

Dem a join di rat race. Bout dem ago tek mi dung

No competition. So nuh badda send nuh entry come

Bad before she born an she bad all when di century done

Pussy deeven get a grave wid di way she lef e grung.