Salwaat 14 Masumeen Video (MV)

Allahumma swalle mohammdiw wa aale Mohammad

Padhte hai aasmano par saare malayka
Salwat bar mohammad o bar aale mustafa
Salwat ko namaz se jisne kia juda
Sajde ada karega magar paayga saza
Padhte hai aale paak pe kul ambia durood
Quraan me bhi padhta hai in par khuda durood

Allahumma swalle mohammdiw wa aale Mohammad

Noore rab hai 14 masoomeen me
Is liye hai sab usoole deen me

Noore awwal ba khuda hai mustafa
Seene par quraan bhi naazil hua
Sab rasoolo ke yahi hai peshwa Allahumma

Hain ali be fasl ahmad ke wasi
Toor par bhi chamki jinki roshni
Hain wo dunia me nusairi ke khuda Allahumma

Sayyada hai sadiqa aur taahira
Inka rutba markaze ahle kisa
Halataa inki ataa ka shukria Allahumma

Sulha farmay ke farmay jihad
Hai hasan ka har amal faindabad
Hain hasan khulqe nabi ka aaina Allahumma

Aysa kausar hai hussain ibne ali
Jisse nasle mustafa phuli phali
Nao imamao ka chala hai silsila Allahumma

Ta abad raushan rahega jiska naam
Hai zamane me mera chautha imam
Sayyade sajjad aur zainul iba Allahumma

Hai mohammad naam baqir hai laqab
Mante hain sab ajam ho ya arab
Inke dil me hai khazana ilm ka Allahumma

Jafare sadiq sadaqat ki dalil
Sab hadise hai hidayat ki dalil
Deen deene jafari inse hua Allahumma

Aayate kubra hai kazme ghaiz ki
Aur hai ye bolta quraan bhi
Moosiye kazim imame dosara Allahumma

Karte hain jinki zamanat me safar
Manzile jannat hain jinki rahguzar
Wo ali hain hai laqab unka raza Allahumma

Zohdo taqva ki alamat hai taqi
Deeno dunia ki zaroorat hai taqi
Rizq ki bhi mangiye inse dua Allahumma

Hain naqi misle nabi misle ali
Noor hain soorat me bhi sirat me bhi
Hai jahan me jaay madfan samra Allahumma

Hain imame askari misle hasan
Inme bhi hai kul sifate panjetan
Inki bhi tareef me hai innama Allahumma

Rahta hai mahdi ka rab bhi ghaib me
Hazrate mahdi hain ab bhi ghaib me
Lenge aakar inteqame karbala Allahumma

14 masoomo pe 14 sher hai
Deen ke mafhoomo pe 14 sher hai
Jo hai fidvi ne likha padhiye raza Allahumma