Anabel Santiago - Adiós Ríos, Adiós Fontes Lyrics

Adiós ríos adiós fontes
Adiós regatos pequenos
Adiós vista dos meus ollos
Non sei cándo nos veremos.
Miña terra miña terra
Terra donde m´eu criei
Hortiña que quero tanto
Figueiriñas que prantei,
Adiós gloria, adiós contento
Deixo a casa onde nacín
Deixo a aldea que conozo
Por un mundo que non vin.
Prados, ríos, arboredas
Pinares que move o vento
Paxariños piadores
Casiña d´o meu contento
Muíño dos castañares
Noites craras do luar
Campaniñas trimbadoras
Da igrexiña do lugar.
Deixo amigos por extraños,
Deixo a veiga polo mar,
Deixo, en fin, canto ben quero
Quén puidera non deixar...
Adiós, adiós, que me vou
Herbiñas do camposanto
Donde meu pai se enterróu
Herbiñas que biquei tanto
Terriña que nos crióu.
Adiós tamén, queridiña
Adiós por sempre quizáis
Dígoche este adiós chorando
Dende a beiriña do mar.
Xa se oien lonxe, moi lonxe
As campanas do Pomar
Para min ai coitadiño,
Nunca máis han de tocar.
Xa se oien lonxe, máis lonxe
Cada balada é un dolor
Voume sollo, sin arrimo
Miña terra, adiós, adiós.
Non me olvides, queridiña
Si morro de soidás
Tantas légoas mar adentro
Miña casiña, meu lar.
Adiós, adiós, que me vou
Herbiñas do camposanto
Donde meu pai se enterróu
Herbiñas que biquei tanto
Terriña que nos crióu.
Adiós tamén, queridiña
Adiós por sempre quizáis
Dígoche este adiós chorando
Dende a beiriña do mar.
Adiós ríos adiós fontes
Adiós regatos pequenos
Adiós vista dos meus ollos
Non sei cando nos veremos.