Andy Calope - Inayawan Lyrics

Ang akong payag naa sa tunga sa basakan
Ang akong mata wala siyay kasangitan
Nakit-an tika naligo sa baybayon
Walay sukod ang imong pagkagwapahon
Inayawan

Ikay sama sa usa ka pultahan
Daghang lalake gusto ka nga ablihan
Nakit-an tika imo sila gipahawa
Kay wala sa ila ang imo nga gipangita
Inayawan

Ikay sama sa usa ka timbangan
Gisukod ka nila ila kang pangwartahan
Nakit-an tika naghilak sa bitoon
Walay sukod ang imong pagmagul-anon
Inayawan

Sa kadugayan gihimo ka'g basurahan
Sa mga lalake nga imo na gibuwagan
Nakit-an tika naglisod nag ginhawa
Napuno naka sa ilang bakak na istorya
Inayawan

Nakalimtan
Napasagdahan
Natabunan
Basuran

Inayawan