Testament Video (MV)

M ap kontinye chante
Pou tout moun ki bezwen kouray
M ap kontinye chante
Pou tout moun ki beswen lespwa
Pou tout sa k ap mande
K ap mande charite

Pou tout sa k san manman
Pou tout sa k san papa
Pou nou ki kouche lopital ak lazil kominal
M ap kontinye chante
Paske m renmen nou tout anpil anpil

M ap kontinye chante
Pou tout ti moun ki pwal lekòl
M ap kontinye chante
Pou tout fanmi kape lite
Pou tout pitit fè nwè
Fè nwè ak lamizè

Pou nou ki do touni
Nan gwo solèy midi
Ap kalonnen kout wou
Ak kout kouto digo
Pou fè manje pouse
Pou bay lèzòt manje
M ap kontinye chante
Paske m renmen nou tout anpil

Yo touye Jezikri yo krisifye lanmou
Yo touye Desalin ki ba n la libète
Mwen menm ki pa anyen
Tou tan yo vle tiye m
Sa sa fè si m mouri
Konsyans mwen san repwòch
M ap kontinye chante
Paske m renmen nou tout anpil anpil

M ap kontinye chante
Pou tout moun ki dezespere
Chak jou m leve m mouri
Yo mèt touye m si se pou ba n lavi

Nou menm ki san manje
Nou menm ki toutouni
Nou menm pen maladi
Nou menm pen lasoufrans
Nou menm k ap grandi nan fè nwè

Se pou nou gen la fwa
Se pou nou gen lespwa
M ap kontinye chante
Paske m renmen nou tout anpil anpil

Pawòl pale se gwo remèd
Pawòl chante chase la penn
Chase la penn