Rimjhim Pavoos Video (MV)

रिमझिम पाऊस पडे सारखा
यमुनेलाही पूर चढे
पाणीच पाणी चहूकडे
गं बाई गेला मोहन कुणीकडे
रिमझिम पाऊस पडे सारखा

तरुवर भिजले भिजल्या वेली
ओलीचिंब राधा झाली
तरुवर भिजले भिजल्या वेली
ओलीचिंब राधा झाली
चमकून लवता वरती बिजली
चमकून लवता वरती बिजली
दचकुन माझा ऊर उडे
गं बाई गेला मोहन कुणीकडे
रिमझिम पाऊस पडे सारखा

हाक धावली कृष्णा म्हणुनी
रोखुनी धरली दाही दिशांनी
हाक धावली कृष्णा म्हणुनी
रोखुनी धरली दाही दिशांनी
खुणाविता तुज कर उंचावुनी
खुणाविता तुज कर उंचावुनी
गुंजत मंजुळ मुग्ध चुडे
गं बाई गेला मोहन कुणीकडे
रिमझिम पाऊस पडे सारखा

जलाशयाच्या लक्ष दर्पणी
तुझेच हसरे बिंब बघुनी
जलाशयाच्या लक्ष दर्पणी
तुझेच हसरे बिंब बघुनी
हसता राधा हिरव्या रानी
हसता राधा हिरव्या रानी
पावसातही ऊन पडे
गं बाई गेला मोहन कुणीकडे
रिमझिम पाऊस पडे सारखा
यमुनेलाही पूर चढे
पाणीच पाणी चहूकडे
गं बाई गेला मोहन कुणीकडे
रिमझिम पाऊस पडे सारखा