Vara Sute Sukhacha Video (MV)

वारा सुटे सुखाचा आ आ आ आ
आनंद मेघ आले
मी अमृतात न्हाले ओ ओ ओ ओ
वारा सुटे सुखाचा

अनिकेत त्यास लाभे
सिंहासनी निवारा
नौकेस हात द्याया
आला पुढे किनारा
कोमेजल्या लतेचा
होऊन कुंज डोले
मी अमृतात न्हाले ओ ओ ओ ओ
वारा सुटे सुखाचा

माझी मलाच कैसी
झाले अनोळखी मी
तिन्ही जगात आता
माझ्यापरी सुखी मी
हे भाग्य सोसवेना
होतात नेत्र ओले
मी अमृतात न्हाले ओ ओ ओ ओ ओ
वारा सुटे सुखाचा

माझे मला कळेना
आले घडून कैसे
उल्केस आज लाभे चैतन्य तारकेचे
उचलावया शिळा ती
आभाळ नम्र झाले
मी अमृतात न्हाले ओ ओ ओ ओ ओ
वारा सुटे सुखाचा
आनंद मेघ आले
मी अमृतात न्हाले ओ ओ ओ ओ ओ
वारा सुटे सुखाचा