The Choral Scholars of University College Dublin - Bó na Leathadhairce (Arr. Desmond Earley) Lyrics

Thíos cois na toinne
'sea beathaíodh mo chaora
Ag Diarmuid Ó Dioláin
ó Bharra na hAoine
Mac dearthár athar dom
A chuir le haill í
Easpa tobac a bhí ar an gcladhaire.

Curfá
Bó, bó, bó na leathadhairce
Bó, bó, 'sí an tsean-chaor adharcach
Bó, bó, bó na leathadhairce
Bó dhroimeann dhearg
Is ní fheadair cá bhfaighinn í

B'fhearr liom ná scilling go
Bhfeicfinn mo chaora
'Teacht chun an dorais
Ar maidin nó istóiche
Thálfadh sí bainne dom
Bheathódh sí uan dom
Chuirfeadh sí seaicéidín deas
Ar mo ghualainn.

Curfá

Chonacsa beirithe í,
Chonacsa á roinnt í
Chuireas-sa dúil inti
Ach blaise ní bhfaighinn di
Ó nár dheas í,
ó nár mheidhreach
Ó nár dheas í
An tsean-chaor adharcach.

Curfá

Dá mbeinnse i rachmas
I ngradam 's in oidhreacht
Thabharfainnse giní
Ar chúpla slaghas di
Ó nár dheas í
ó nár mheidhreach
Ó nár dheas í an
Tsean-chaor adharcach.

D'íosfainn lán píce di
D'íosfainn lán oighinn di
D'íosfainnse stráice
Den tseana chaora adharcach
Ó nár dheas í!
ó nár mheidhreach!
Ó nár dheas í
An tsean-chaor adharcach

Curfá