Ubas (feat. LÉO) Video (MV)

Magandang gabi ginoong nakaasul
Patagong pagmamasid mala asong ulul
Aba teka mukhang marame't may plano sila
Maya maya maririnig mo na ang tinig ng tingga
Haligi ng triangulo tila kabaligtaran sa pinaglalaban
Eto'y katotohanan sa kaisipan na dapat nyong malaman

Bakit nga ba sa isknita silay paikot-ikot
Siklo ng ganun buhay wala rin naman mapupulot
Kanino-nino bulsa na naman ang makakalikot
Kapag ikaw pumiglas bigla na lang merong mabubunot

Lahat ng ito simpleng gamot nga lang ba ang dulot
Ano nga ba ang hiwagang na nakabalot
Huwag pangungunahan ng takot, umalis na sa pagkakakumot
Magwala at umalis na sa bangungot ng iyong piniling sulok

Sa gilid nakamasid, mga mata nanlilisik
Araw-araw na buhay akin nang iniisip
Tingin saking buhay tila taong makitid
Sa ganitong mundo magulo ang pumipihit

Sa pagbabago ako pa rin ay nagaantay
Sa kanilang pagsalakay akoy handa't nakabantay
Para sa minamahal handa akong mahimlay
Handang mamatay dahil ako'y may ibang binubuhay

Habang kami musika't diskarte ang tinutulak
Daming problema sa una lang yan mahirap
Tagumpay ay akin nang hinahanap
Akoy sawa na, sawa na maging mahirap

Kultura at laro aking itinuring na angkan
Ang ating siklo puro na lang tayo gulangan
Kaliwat kanang kasalanan pilit na pinagtatakpan
Puro yurakan umangat lang sa mas mataas na bahagdan

Hindi alam kung saan patungo
Puting buhay yun na ba ang yugto
Unti unti kang nagiging taong bungo
Dahil sa kemikal ikay tuluyang nalango

Ibang solusyon ang kanilang nahatak
Sa ibang lakas nakahigop ng pagbatak
Iyong Nakaraan pilit bang hinahanap
Hindi lahat ng tao matalino't matay nakadilat

Bukas makalawa ika'y nalagay sa dyaryo
Tatlong putok galing sa itim na gatilyo
Kalat ang balita mapa tv o radyo
Inosenteng buhay naagaw sa isang binatilyo

Buhay oo minsan tagpo ay madaya
Huwag na huwag kang magpapaubaya
Gumawa ng paraan iwas sa ayuda
Iwasan magduda para sa sarili ikay makalaya