Da Jo - Heite bin i gstuam Lyrics

Jetz is a scho wurscht, waunn du sogst
Dass du nix mehr vo mir wüst
Jetz is a scho wurscht, waunn du sogst
Dass du mit meim besten Freind Pfitischigogerln spüst
Jetz is a scho wurscht, wenn si d'Wöd auftuat
Und mit schluckt mitsamt de Schuach
Jetz is a scho wurscht
Mit dem Scheiß bin i durch
Jetz is a scho wurscht, waunn mei Tschesn
Hinich in der Einfahrt steht
Jetz is a scho wurscht, waunn ollas
Des Bachl owegeht
Jetz is a scho wurscht, jetz is ollas wurscht
Ihr kennts nix mehr für mi tuan
Jetz is ollas wurscht
Wäu heite bin i gstuam
I lieg in meim kühlen Kammerl
Da is immer herrlich ruhig
Nur die Pathologin bsuacht mi ab und an
S woar a sie die, die ma zagt hot
Wie sche des eigentlich is
Waunn ma sich einem andern Menschen
Völlig öffnen kann
Hirnschlag, Hodenkrebs, Lebersturz
Heast, i waß ned amoi mehr
Welchem Todesdrama ich erlegen bin
Daschossn, dasoffm, dafrorn
Oder vom Lastwagn überfoahrn
Oder am End gar
Ogfeidlt in Simmering
Jetz is a scho wurscht, jetz is ollas wurscht
Es tangiert mi ois ned mehr
I gibs aus der Hand, selbst mei Kontostand
Juckt mi nur mehr peripher
Dieses irdische Jammertal
Is ned länger mei Problem
Ja so ois Hinicher, da lasst sis gmiadlich lebm
Ja so ois Hinicher, da lebt sis murds bequem, hallo