The Elysian Singers - Lassie, Wad ye Loe Me? Lyrics

O if I were a baron's heir
An' could I braid wi gems your hair
An' mak ye braw as ye are fair
Lassie, wad ye loe me?

An' could I tak ye tae the toon
An' show ye braw sichts mony an ane
An' dress ye fine in silken goon
Lassie, wad ye loe me?

Or should ye be content tae prove
In lowly life unfading love
A heart that nocht on earth could move
Lassie, wad ye loe me?

An' ere the lavrock wing the sky
Say, wad ye to the forest gang
And work wi me sae merrily
Lassie, wad ye loe me?

An' when the fair moon glistens o'er
Oor hame sae high above the shore
Will ye no' greet should we be poor
Lassie, for I loe ye?

For I hae nocht to offer ye
Nae gowd frae mine, nae pearl frae sea
Nor am I come o' hie degree
Lassie, but I loe ye.