Gossra - Barakat Lyrics

بركات بركات
ما نولوش للي فات ما نولوش للي فات
و بركات
كرهنا من هاذ الغبينة
قهرتونا شحال من عام و الغلطة تاني فينا
سكتنا بزاف و اليوم رانا تلاقينا
سلمية سلمية و نفضنا الغبار لي علينا
درتولنا الفيلم و العشرية رجعت فوبيا
قلتولنا طفو الضو لا ترجع كيما سوريا
دزاير بالرجال و العصابة راهي مشوكيا
يا ودي طار الحمام غير انسو ذوك اليامات

مهما طال الشر الخير عمرو ما يموت
بركان الشعب خامد و على جال كرامتو ينوض
طلع النهار و دم جدودي مازال في صدري لاهب
الطير يشتاق الحرية يا لوكان في قفص مذهَّب
سقسيت على الحق قالو دفنوه بالباطل
حس بالفقرا و أسمع صرخة المواطن
بالڨيثارة بالقلم بليكورد فوكال ناضل
مام يتقص لساني بأفكاري نبقا نعبر
صوت الشعب صوت الحقيقة
غني لحن الحرية داوي الجنحين الجريحة

وبركات و بركات
مانولوش للي فات مانولوش للي فات و بركات
خلاص قلنا بركات مانولوش للي فات ما نولوش للي فات

مانا عبيد مانركعو للاصنام
مزال فيها الرجال و تبان مع الايام
صبرنا سنين و محال يدوم الحال
اعطونا الوطن الحرية و السلام
القلوب رشات و احنا جامي لا ننساو
الظلم الحڨرة الحراڨة لي مشاو
بلادي أمانة و احنا لازم نترباو
إرث الشهداء لي خلاو الحكايات ...

أحكيلي ع الشهيد لي في سبيلها مات
و أحكيلي ع الناس لي هجرت و ما ولات
لي مشات و لي تنفات و لي مالدموع تعمات
لكان نتوما نسيتو حنايا ما ننساوش
لي قال الحق هربوه دلوه جوعوه
سمعو بلي الوطن غالي راحو باعوه
مالا قاوم قاوم على جال بلادك على جال حياتك على جال ولادك
مالا قاوم قاوم على جال حياتك ع جال ولادك على جال بلادك
وبركات و بركات مانولوش للي فات ما نولوش للي فات
و بركات خلاص قلنا بركات مانولوش للي فات ما نولوش للي فات