U i bi gärn ä Schneeflocke
Mir chöi zäme a See hocke
U Steine is Wasser schiesse
Mir probiere au di Sach hie z gniesse
U i bi gärn ä Schneeflocke
Mir chöi zäme a See hocke
U Steine is Wasser schiesse
Mir probiere au di Sach hie z gniesse
Weni ä Tag lang gschaffet ha mani Abe nid choche
Weni mi di ganz Zit apasst ha - bini am Abe chli broche
Mi Saber isch troch' wüui so oft lär schlück
U i frage mi doch: wiso stopft mä z Glück
Ganz wit abe is Loch o we chli Hoffnig drückt?
(Wiso?)
Ds isch doch verrückt
Bhaut d Emotione für di, wüu ds schränkt di ih
Es wirdsech lohne, ja z Burnout wird es Gschänkli si
Dä geit use a aui wo nur Teilzit wei schaffe
Nid wüumer ir Freizit no hustle oder wüu üs d Leistige nid passe
Oder wüumer mer eifach gnue dreist si zum passe
Nei - wüumer nid chöi oder möge
Nei - mir hei keni Tröim vo Vermöge
(Heimer nid)
Darum flippemers u frage:
Hei wär lacht da so wenig
U meint dr Abf*ck wird weniger wäg chli Achtsamkeitstraining?
U i bi gärn ä Schneeflocke
Mir chöi zäme a See hocke
U Steine is Wasser schiesse
Mir probiere au di Sach hie z gniesse
U i bi gärn ä Schneeflocke
Mir chöi zäme a See hocke
U Steine is Wasser schiesse
Mir probiere au di Sach hie z gniesse
Dir gäbet ä Figg uf aui Lüt wo da lide nur wüus früecher schwärer sig gsi
Wär ma iz nüt meh verlide u beschwärtsech bi mir?
Drum chum säg no mau wi erbärmlech mer si!
(Ah)
Mache au di Fähler für mi und lug i vrdrücke ä Träne drbi
Dir machet di Fähler für üs u ds lähmt mini Gfüu
(F*ck)
Hei es änderet nüt
Mir säge nei zum BGE aber choufe witerhin es Win for Life
(Win for Life)
U mir schlittere id Sinnbefreitheit
Mir schittere bir Freiheit üs ä Wuche meh Ferie z gä
U du hesch d Dreistheit mir no d Schuud ar Misere z gä
(F*ck)
U immerno di glichi Gschicht
Früecher sig aus besser hei - höchstens d Ozonschicht
Chum liebe Boomer - hock zu mir!
Mir chöi morn witerluege - hock zu mir!
Es isch in Ornig - mir hei aui ke Bock meh hie
Chum la di Träne use u leg di Chopf ah mi!
Chum liebe Boomer - hock zu mir!
Mir chöi morn witerluege - hock zu mir!
Es isch in Ornig - mir hei aui ke Bock meh hie
Chum la di Träne use u leg di Chopf ah mi!
U mir si zämä ä Schneeflocke
U chöi zämä a See hocke
U Steine is Wasser schiesse
Mir probiere au di Sach hie z gniesse
