Lata Mangeshkar - Phutato Panha Punha Punha Lyrics

फुटतो पान्हा पुन्हा पुन्हा
फुटतो पान्हा पुन्हा पुन्हा
कुणी तरी माझे बाळ आणा बाळ आणा
फुटतो पान्हा पुन्हा पुन्हा

रेशमाचे कुंची झबले
या हातांनी मी शिवलेले
तसेच हाती राहुन गेले
तसेच हाती राहुन गेले
घालुनी पाहू आता कुणा आता कुणा
फुटतो पान्हा पुन्हा पुन्हा

बाळ निजेची वेळ येते
पाळण्याची दोरी हलते
गहिवरता मी जो जो म्हणते
गहिवरता मी जो जो म्हणते
पाळणा हाले सुना सुना सुना सुना
फुटतो पान्हा पुन्हा पुन्हा

बाळ कुशीला देण्यासाठी
चिमणे चुंबन घेण्यासाठी
जितुके जीवन असेल गाठी
जितुके जीवन असेल गाठी
देईन तुजला दया घना दया घना
फुटतो पान्हा पुन्हा पुन्हा
कुणी तरी माझे बाळ आणा बाळ आणा
फुटतो पान्हा पुन्हा पुन्हा