Modena City Ramblers - La Fola Del Magalas/La Favola Del Magalasso Lyrics

Quasta ché l'è na fola c'la pèrla ed la béssa
l'è nèda in campagna fra al verd e al gris
ades a v'la caunt in mod c'as capessa
par ferev paura e màtrev d'avis
ste ateinti quand a vin sira a ander par la streda
c'a'n gh'è mai nisun in gir
tot i megher, tot i gras
i g'an pòra dal Magalas

Al Magalas l'è na béssa c'l'è neda in'Panera
l'è longa se meter, quelch'd'un giva ot
d'inveren la s'luga in mez a la giera
ma in Merz la vin fora e i ein cas par tot
chi l'ha vesta in curtil, chi in d'l aldamera
chi in canteina tra veine parsòt
tot i zoven, tot i plèe
ades i disen c'l'è turnèe

L'è negher com un cancher, l'è cativ e l'è arabii
ed not a't selta in testa, a't magna i oc, a't magna i di
l'è nascost in sema al graner, l'è là c'al t'aspeta in mez a i sas
la ginta l'an dorem piò a seinter la fola dal Magalas

Fo acsé che un bel dé tot quant al vilag
par pòra d'la béssa i v'liven scaper
quelch d'un al pruveva a fèeres curag
ma in dal meinter sercheva un sit par purtèr
fiol e baioc, gat e cagnin, tàgi e tigin e fin tamaras
tot a scaper in dal turioun par pòra dal Magalas!

In vatta a la tor ig steven tot quant
imbianchein, c*ntadein, sert e dutor
sgor, bariagoz, pret e cantant
tot a brigher in cal sit sicur
a avrir n'ustari, na scola, n'impiant
negozi, buteghi e fin baladur
tot i fùreb e i caioun a strichères in dal turioun

Bè, la fola l'ariva a Sasol, a Vgnola
a Cherp e Sulera, in tot al Mudnes
la ginta la scapa, la sèra butega
a's voda al stredi in tot i paes
acsé quand a vin un quelch furester
e al d'manda perché a'n gh'è nisun a spas
Deg "I ein tot nascost in di turioun
par pòra dal Magalas!"

Perchè l'é negher com un cancher...